Kak vy znajete, my publikujemo lekcije Polyglot Gathering na naš kanal YouTube. My by htěli ulěpšiti dostupnost naših videa i dati možnost gluhym i gledačam so slabym sluhom polno nasladžati se prěkrasnym kontentom, ktory publikujemo.

Htěli by vy stati dobrovoljcem i sdělati naši videa vyše dostupnymi za vsih?
Pomagajte nam sdělati subtitry za videa!

Kak to možete sdělati? Mnogo prosto!

Stvoriti konto na amara.org (mnogo udoben za koristnikov) i pojdti do Amara Public Workspace.

• Už jeste izbrali video? Dobro! Vstavite nazvu videa v "Videos added by others" v liniju poiskanja i izberite jego.
• Hčete najdti video, aby dobaviti subtitry do njego? Klikajte tut, aby uviděti spis videa od 2021 i klikajte tut, aby najdti ine videa od Polyglot Gathering.

Po izbranju videa, klikajte na "Add/Edit", izbirajte jezyk videa i jezyk subtitrov, ktory hčete dodati, potom klikajte "Add". Potom možete počinati dodavati subtitry!

• Aby poznati vyše informacije o subtitrah v originalnom video, pogledajte na tutoj fantastičny provodnik, sdělany družinoju Amara.
• Ako li video už imaje subtitry i vy hočite jego prěvesti, togdy tutoj provodnik od družiny Amara jest za vas.

Kogdy zakončite, stegnite fajl subtitrov v formatu VVT i pošljite jego nam na subtitles@polyglotgathering.com, ili sdělajte link na preferujemo vami instrument (Google Drive,Dropbox,WeTransfer..). Potom my dodamo vaši subtitry do videa na YouTube. Blagodarimo vas!

To izgledaje, ako by bylo zanadto težko izrabotano... Ono tako i jest! Znajete li, prěd tym vsečto bylo mnogo prostěje, ale v devetom měsecu 2020, Google odstranil funkciju "Community Contributions". Gledajte na tvrdženja Google tut i tut za dodatna informacija. V něktory moment v budučnosti nova sistema "Trusted Captioner" bude integrovana v YouTube i my pomyslimo o jej koristanju, kogdy ona pojavi se. Dopoka najlěpši metod, znany nami, jest posluživanje Amara i ručno posylanje fajlov VTT:

Ako li vy imajete pytanja, prosimo dati nam znati na subtitles@polyglotgathering.com.