Bude li Polyglot Gathering v 2026 roku? A kde?

V tutom roku my jesmo prigotovili za vas dvě shodky:

• Polyglot Gathering Onlajn od 5 do 8 dnja tretjego měseca,
• živa shodka v Brno, Čehija, od 27 do 31 dnja petogo měseca.

Obědvě shodky sut oddělne i trěbujut razdělnoj registracije. Registracija i oplata na jednoj akciji ne jest ravnoznačna registraciji na obadvoh.

Kak ja mogu zaregistrovati se? Koliko to koštuje?

Registracija jest otvorjena na Polyglot Gathering Onlajn, cěny na bilety sut ukazane na stranici registracije.

Registracija jest otvorjena na živy sbor Polyglot Gathering v Brno, Čehija, cěny na bilety sut ukazane na stranici "Kak učestvovati?"

O živom sboru Polyglot Gathering v Čehiji

Bude li moja registracija na živy sbor Polyglot Gathering takože razprostranjati se na Polyglot Gathering Onlajn?

Ako li vy zaregistrujete se na živy sbor prinajmenje na 3 dnja prěd 25 novembrom, vy avtomatično dobudete registraciju na onlajn sbor bezplatno. Poslě 25 novembra obědvě shodky budut trěbovati oddělnu registraciju: registracija i oplata za jednu shodku ne znači registraciju na dvoh.

Vy jeste prijeli moju registraciju/oplatu?

Po registraciji, vy směsta uvidite pismo s potvrdženjem. Ako li pismo ne dojde do vas, prosimo nas o tom informovati. Kogdy vy posylajete bankovy prěvod, poněkogda za bank jest potrěbno několiko dnev, aby jego obrabotati. V kakom-libo padu, kogdy vaša oplata bude prihoditi do nas, my budemo vas uvědomjati v toku několikyh dnev.

Potrěbno li je za mene imati vizu, aby vezti se do Čehije?

Tut vy možete prověriti kaka jest vaša situacija v zavisnosti od vašego gradžanstva i, ako li za vas to jest potrěbno, dobyti Šengensku vizu kak možno raněje.

Ob onlajn-sboru Polyglot Gathering

Kakoju platformoju budemo posluživati se?

My budemo posluživati se našeju vlastnoju platformoju, ktora ima nazvu Retevent. Aby zabezpečiti najlěpši svez, prěporučajemo koristati kompjuter s kabelnym internetom i slušalky s mikrofonom. Smartfony poněkogda imajut jedino ograničeno poddrživanje.

4-go dnja tretjego měseca, vsi učestniki dobudut pismo na e-poštu, kde bude link do platformy i informacija s loginom. Za vas ne jest potrěbno ničto ustanavjati, jedino jest potrěbno imati web-brauzer (rekomendujemo Chrome ili Firefox).

Podhodi li tuta programa za moja časova zona?

My imajemo cělj sdělati tutu onlajn shodku kak možemo najglobalnějšeju, zatom my probujemo imati razklad, udobny za različne cašove zony.

Vse lekcije budut zapisane i vy budete imati možlivost pogledati jih pozdněje, až poslě shodky. Platforma bude dostupna na proteženju měseca po shodkě.

Kogdy ja budu prijmati moj onlajn-bilet?

Dodatno k oficialnym datam Polyglot Gathering Onlajn (od 5 do 8 dnja tretjego měseca), kde budut lekcije i mnogojezyčne čaty, onlajn platforma bude dostupna na proteženju jednogo měseca poslě shodky. Tam vy smožete dobyti dostup do lekcij, koje vy jeste propustili.

Bude li moja registracija na Poliglot Gathering Onlajn takože rabotati na živom sboru Poliglot Gathering?

Ako li vy zaregistrujete se na živy sbor prinajmenje na 3 dnja prěd 25 novembrom, vy avtomatično dobudete registraciju na onlajn sbor bezplatno. Poslě 25 novembra obědvě shodky budut trěbovati oddělnu registraciju: registracija i oplata za jednu shodku ne znači registraciju na dvoh.

Sut li bilety na Polyglot Gathering Onlajn vozvračajeme?

Bilety na Poliglot Gathering Onlajn sut ne vozvračajeme.

Vy jeste uviděli moju registraciju?

Po registraciji, vy uvidite pismo s potvrdženjem. Ako li ono ne dojde, prověrite papku spam. Ako li tam nema, prosimo nas informovati.

Ob obadvoh sborah

Mogu li ja prinesti vklad do programy?

Da, my prijmajemo vaše prědloženja za lekcij i praktičnyh dělalnij(45-minutne zapoznateljne sesije). Lekcije mogut byti v libokakom velikom jezyku ili v něktoryh malyh jezykah. Govoritelji sut povinni byti motivovani idejeju poděliti se jihnoju stastju s občinoju poliglotov. Aby podati vaše prědloženje, prosimo vas zapolniti formu: Polyglot Gathering onlajn, Polyglot Gathering v Brno.

Ja jedino mogu govoriti na jednom jezyku. Mně dozvoljeno učestvovati?

Da! Poka naša shodka i jest naznačena za ljubiteljev jezykov, ne jestvuje formalno trěbovanje do togo, kak mnogo jezykov vy jeste povinni znati. Ako li pogledavši programu prošlogo roka (ili video od prošloj shodky) vy pomyslite, že vas by tako zadovolilo, togdy budemo radostni, ako li vy budete prisjedinjati se. Kolikost jezykov, na kojih govoret naši učestniki jest medžu 1 i do 30, so srědnoju kolikostju v 6.

Kakymi jezykami posluživajut se na Gathering?

Učestniki Polyglot Gathering ukazyvajut jezyky, na kojih oni hočut govoriti s ostalymi. Nerědko jezyk može izměniti se v hodu besědy, kogdy drugy člověk prisjedinjaje se. Najčesto koristajeme jezyky sut anglijsky, špansky, němečsky, francuzsky, russky i esperanto. Ne udivjajte se, ako li ljudi vokrug vas govoret na jezyku, o ktorom vy nikogda ne slyšali. Večinstvo lekcij sut na anglijskom, ale ine jezyky takože koristajut se. Jezyk, na ktorom bude každa oddělna lekcija, bude ukazany v programě.

Jest li tuta ješče jedna Polyglot Conference?

Ne, Polyglot Conferencejest oddělno sobranje, ogranizovano našimi drugami Ričardom Simkotom i Aleksom Roulingsom, ktoro obyčno prohodi v raznyh državah každoročno i od tutčas onlajn. Obadva sbora probujut objediniti poliglotov i jezykovyh entuziastov i dozvoliti spoločnosti poliglotov sobirati se zajedno i děliti se našeju stastju k jezykam. My jesmo mnogo zadovoljeni tymi, koji učestvovali v Polyglot Conference i htěli by strěsti se s jednomyslečimi ljubiteljami jezyka ponovno.