Vsi prisutni, govoritelji, sponsori i dobrovoljci naših shodok sut povinni suglasiti se s našim kodeksom postupanja. Organizatori budut slěditi za izpolnjenjem tutogo kodeksa na shodkě. My očekyvajemo, že vsi učestniki budut pomagati dělati bezpečnu obsrědinu za vsih.

Potrěbna pomoč?

Napišite nam na abuse@polyglotgathering.com

Kratka versija

Naša konferencija jest posvečena zabezpečiti prěbyvanje, svobodno od bezpokojstva ili molestovanja za vsih, bez zavisnosti od pola, gendernoj identičnosti i izraženja, vozrasta, seksualnoj orientacije, nepolnomožnosti, vněšnogo izgleda, razměra těla, rasy, etničnosti ili religije (ili jejnogo odsutstva). My ne tolerujemo bezpokojstvo i molestovanje učestnikov konferencije v kakoj-libo formě, takože ne tolerujemo nikako postupanje, koje može dovoditi inyh učestnikov k čuvstvu nebezpečnosti ili trevogě ob jihnom fizičnom ili emocijnom blagostanju. Seksualizovane rěči i obrazy ne sut uměstne ni za kako prostranstvo konferencije, vključno lekcije, praktične pouky, socialne sbory, čaty, Twitter i ine onlajn medija. Učestniki konferencije, koji narušet tute pravila, mogut byti sankcionovani ili izključeni iz konferencije bez refundacije po volji organizatorov konferencije.

Menje kratka versija

Molestovanje vključaje verbalne komentare odnosno pola, gendernoj identičnosti i izraženja, věka, seksualnoj orientacije, nepolnomožnosti, vněšnogo izgleda, razměra těla, etničnosti, religije, pokaz seksualnyh obrazov v publičnom prostoru, umyslno zastrašanje, stalking, prěslědovanje, trolling, uraženje ili uniziteljne komentare, personalne ili politične napady, prěrvanje besěd ili inyh shodok i neprošenu seksualnu pozornost. To odnosi se kak do publičnyh, tako i do privatnyh poslanij.

Molestovanje byvaje několikyh vidov. Vsečto jest ukazano dalje jest molestovanje, ale to ne jest polny spis.

• Sprošenje "Ale odkud jesi zapravdu?" poslě togo, kak někto ukazal, odkud oni sut.
• Rěčenje čego-libo komu-libo s prězirom, osoblivo odnosno črt kak seksualnost, pol, religija, etničnost, fizična sposobnost, i tako dalje.
• "Objavjenje" někogo (govorenje, lično li ili onlajn, oddělnym ljudam ili grupam ljudij, že někto jest LGBT, bez jihnogo dozvoljenja). Ne prědpokladajte, že vsi o tom znajut, ili že člověk ne imaje problemov, že by to bylo legko dostupnoju informacijeju, až ako li člověk jest odkryty o tom v personalnoj komunikaciji.
• Ne považanje ličnyh zaimennikov. Ako li někto prosi, že by jih zvali "on", "ona" ili "one", ili ekvivalent v libokakom inom jezyku, postarajte se tako dělati.
• Ako li vy to ne možete dělati, razvažite izběganje govorenja s tutym člověkom/o tutom člověku. To vključaje spominanje o někom v prošlosti: ne govorite rěčij kak "kogda ona byla on".

Od učestnikov, ktoryh sut poprosili prěstati molestovanje, očekyvaje se momentalno poslušanje.

Sponsori i podporniki takože sut subjekti politiky protiv molestovanja. Sponsori, osoblivo, sut povinni ne koristati seksualizovane obrazy, dělati take aktivnosti ili ine materialy.

Ako li učestnik zajmaje se otegčajučim postupanjem ili molestovanjem, ogranizatori konferencije mogut prijeti měry, ktore pomyslet uměstnymi, vključno prěduprědženje učestnika ili jego odstranjenje od konferencije bez refundacije.

Ako li vas bezpokojet ili molestujut, ili vy vidite kak někojego bezpokojet ili molestujut, ili vy imajete někake ine bezpokojstva, prosimo svezati se s organizatorami po abuse@polyglotgathering.com. Kratko opišite situaciju kratko; dodajte snimok ekrana, ako li situacija stala se na pismu, i my postarajemo se reagovati najskoro.

Personal konferencije bude zadovoljeny pomogti odčuvati se bezpečno tym učestnikam, koji byli žrtvoju bezpokojstva ili molestovanja.

My očekyvajemo od učestnikov slědovanja tutym pravilam podčas hoda vsih aktivnostij konferencije, vključno besědy i socialne sbory.