Polyglot Gathering jest vitajuče i živo proslavjenje radosti od učenja jezykov. Vy uslyšite inspirujuče lekcije, naučite se radam i sovětam, dobudete šans poděliti se vašim entuziazmom so starymi i novymi prijateljami. To jest glavny moment v mojem roku izučenja jezykov.

Ja každoročno byvaju na Polyglot Gathering. Ne mogu dočekati se novyh razgovorov s ljubiteljami jezykov v tutom roku!

Polyglot Gathering, kak onlajn, tako i osobny sbor, okazali silny vliv na moj život. To jest prěkrasno byti okruženymi ljudami s različnym pozadjem, ktori razděljajut jednakove interesy i podpirajut jedin drugogo, bez razliky kak mnogo jezykov vy znajete. V prošlom roku, onlajn sbor prěvysil vse moje očekyvanja i ja netrpělivo čekam jego snova v tutom roku – slušati zahvačajuče lekcije, strěčati se so starymi prijateljami v izbah praktikovanja jezyka i nahoditi novyh prijateljev v hodu socialnyh aktivnostij sut jedino nemnoge priměry togo, čto dělaje Polyglot Gathering takym dragym mojemu srdcu.

Velika hvala vam za tutoj sbor! Ja jesm nikogda ne byla na sboru vyše otvorjenom, čim tutoj – ljudi iz mnogyh držav, različnogo věka i govoret na takom množstvu jezykov! Ja jesm rada iměti šans učestvovati kak gost i kak govoritelj i ja už netrpělivo čekaju naslědny Polyglot Gathering!

Prěkrasny priměr kak jezyky sut lěpšim sposobom do stvorenja mostov medžu kulturami i sposobom naučiti se jedin od drugogo, vměsto togo, že by fokusovati se na različjah. Odkryjte za sebe, že sut mnogo ljudij, ktori myslet kak ja i ljubet prěključati se medžu jezykami vsečasno.

To jest najlěpši čas v lětu, kogdy vy sbirajete se s ljudami, ktori dělet tuže strast do učenja jezykov kak i vy. Pet dnev podred, vy možete praktikovati vaše jezyky, izučati něčto o temah, svezanyh s jezykom i zapoznavati se s novymi ljudami so vsego světa, ktori bystro stanut vam prijateljami.

Davaje vam sotnje jezyčnyh partnerov, sputnikov v putovanju, divany na ktore možno upasti i lica, ktorym možno poplakati.

Zapoznanje s interesnymi ljudami. Zapoznanje drugyh ljudij, zainteresovanyh v jezykah i kulturnom vzajemorazuměnju. Inspiracija v tom, kak ulěpšiti izučenje vašego jezyka. Novi prijatelji.

To točno je jedin iz glavnyh momentov lěta. Ne jedino podčas samogo Gathering, ale za měsecy i sedmicy čekanja i inspiracije, ktoru ja beru do domu od každogo Gathering.

To jest město, kde možete najdti različnyh jezyčnyh entuziastov v mnogo odkrytoj, raznorodnoj i prijateljskoj atmosferě.

Dopoka vas zajmajut jezyky, vam to dobro podojde!

To jest město, kde vy možete zapoznati se s ljudami so vsego světa v spokojnoj i považenoj manerě. To jest dobra shodka, ibo bez zavisnosti od věka i pozadja učestnikov, vsi ljudi sut vitajemi i my možemo najdti obči jezyk na osnově spoločnogo interesa, ktori jest v tom, že my hčemo uznati o novyh jezykah i kulturah.

To jest možnost dobyti dostup do idealnogo světa, kde vas razumějut i razděljajut vaše ideje. To je kak lětny lager za dorastlyh!

Ja nikogda ne znal, že sut tako mnogo ljudij, ktori kak i ja imajut pasiju za učenje jezykov. Nahodženje shodky, ktora sbiraje jih zajedno, bylo srodno bogojavjenju. Jesm našel mojih ljudij: jihna strast do jezykov poddrživaje moju i vozvyšaje ju na novy uravenj.

To jest TO SAMO město, kde vy ne budete se odčuvati stranno s vašej ljubovju do jezykov. To byl prvy raz, kogdy ja byl okruženy ljudami s tojže strastju, kak u mene!