Как вы знајете, мы публикујемо лекције Polyglot Gathering на наш канал YouTube. Мы бы хтєли улєпшити доступност наших видеа и дати можност глухым и гледачам со слабым слухом полно насладжати се прєкрасным контентом, кторы публикујемо.

Хтєли бы вы стати добровољцем и сдєлати наши видеа выше доступными за всих?
Помагајте нам сдєлати субтитры за видеа!

Как то можете сдєлати? Много просто!

Створити конто на amara.org (много удобен за користников) и појдти до Амара Публиц Воркспаце.

• Уж јесте избрали видео? Добро! Вставите назву видеа в "Videos added by others" в линију поискања и изберите јего.
• Хчете најдти видео, абы добавити субтитры до њего? Кликајте тут, абы увидєти спис видеа од 2021 и кликајте тут, абы најдти ине видеа од Polyglot Gathering.

По избрању видеа, кликајте на "Add/Edit", избирајте језык видеа и језык субтитров, кторы хчете додати, потом кликајте "Add". Потом можете починати додавати субтитры!

• Абы познати выше информације о субтитрах в оригиналном видео, погледајте на тутој фантастичны проводник, сдєланы дружиноју Амара.
• Ако ли видео уж имаје субтитры и вы хочите јего прєвести, тогды тутој проводник од дружины Амара јест за вас.

Когды закончите, стегните фајл субтитров в формату VVT и пошљите јего нам на subtitles@polyglotgathering.com, или сдєлајте линк на преферујемо вами инструмент (Google Drive,Dropbox,WeTransfer..). Потом мы додамо ваши субтитры до видеа на Ыоутубе. Благодаримо вас!

То изгледаје, ако бы было занадто тежко изработано... Оно тако и јест! Знајете ли, прєд тым всечто было много простєје, але в деветом мєсецу 2020, Google одстранил функцију "Community Contributions". Гледајте на тврджења Google тут и тут за додатна информација. В нєкторы момент в будучности нова система "Trusted Captioner" буде интегрована в YouTube и мы помыслимо о јеј користању, когды она појави се. Допока најлєпши метод, знаны нами, јест послуживање Amara и ручно посылање фајлов VTT:

Ако ли вы имајете пытања, просимо дати нам знати на subtitles@polyglotgathering.com.