Буде ли Polyglot Gathering в 2026 року? А кде?

В тутом року мы јесмо приготовили за вас двє сходкы:

• Polyglot Gathering Онлајн од 5 до 8 дња третјего мєсеца,
• жива сходка в Брно, Чехија, од 27 до 31 дња петого мєсеца.

Обєдвє сходкы сут оддєлне и трєбујут раздєлној регистрације. Регистрација и оплата на једној акцији не јест равнозначна регистрацији на обадвох.

Как ја могу зарегистровати се? Колико то коштује?

Регистрација јест отворјена на Polyglot Gathering Online, цєны на билеты сут указане на страници регистрације.

Регистрација јест отворјена на живы сбор Полыглот Гатхеринг в Брно, Чехија, цєны на билеты сут указане на страници "Как учествовати?"

О живом сбору Polyglot Gathering в Чехији

Буде ли моја регистрација на живы сбор Polyglot Gathering такоже разпрострањати се на Polyglot Gathering Online?

Ако ли вы зарегиструјете се на живы сбор принајмење на 3 дња прєд 25 новембром, вы автоматично добудете регистрацију на онлајн сбор безплатно. Послє 25 новембра обєдвє сходкы будут трєбовати оддєлну регистрацију: регистрација и оплата за једну сходку не значи регистрацију на двох.

Вы јесте пријели моју регистрацију/оплату?

По регистрацији, вы смєста увидите писмо с потврджењем. Ако ли писмо не дојде до вас, просимо нас о том информовати. Когды вы посылајете банковы прєвод, понєкогда за банк јест потрєбно нєколико днев, абы јего обработати. В каком-либо паду, когды ваша оплата буде приходити до нас, мы будемо вас увєдомјати в току нєколикых днев.

Потрєбно ли је за мене имати визу, абы везти се до Чехије?

Тут вы можете провєрити кака јест ваша ситуација в зависности од вашего граджанства и, ако ли за вас то јест потрєбно, добыти Шенгенску визу как можно ранєје.

Об онлајн-сбору Polyglot Gathering

Какоју платформоју будемо послуживати се?

Мы будемо послуживати се нашеју властноју платформоју, ктора има назву Retevent. Абы забезпечити најлєпши свез, прєпоручајемо користати компјутер с кабелным интернетом и слушалкы с микрофоном. Смартфоны понєкогда имајут једино ограничено поддрживање.

4-го дња третјего мєсеца, вси учестники добудут писмо на е-пошту, кде буде линк до платформы и информација с логином. За вас не јест потрєбно ничто устанавјати, једино јест потрєбно имати веб-браузер (рекомендујемо Chrome или Firefox).

Подходи ли тута програма за моја часова зона?

Мы имајемо цєљ сдєлати туту онлајн сходку как можемо најглобалнєјшеју, затом мы пробујемо имати разклад, удобны за различне цашове зоны.

Все лекције будут записане и вы будете имати можливост погледати јих позднєје, аж послє сходкы. Платформа буде доступна на протежењу мєсеца по сходкє.

Когды ја буду пријмати мој онлајн-билет?

Додатно к официалным датам Polyglot Gathering Online (од 5 до 8 дња третјего мєсеца), кде будут лекције и многојезычне чаты, онлајн платформа буде доступна на протежењу једного мєсеца послє сходкы. Там вы сможете добыти доступ до лекциј, које вы јесте пропустили.

Буде ли моја регистрација на Polyglot Gathering Online такоже работати на живом сбору Polyglot Gathering?

Ако ли вы зарегиструјете се на живы сбор принајмење на 3 дња прєд 25 новембром, вы автоматично добудете регистрацију на онлајн сбор безплатно. Послє 25 новембра обєдвє сходкы будут трєбовати оддєлну регистрацију: регистрација и оплата за једну сходку не значи регистрацију на двох.

Сут ли билеты на Polyglot Gathering Online возврачајеме?

Билеты на Polyglot Gathering Online сут не возврачајеме.

Вы јесте увидєли моју регистрацију?

По регистрацији, вы увидите писмо с потврджењем. Ако ли оно не дојде, провєрите папку спам. Ако ли там нема, просимо нас информовати.

Об обадвох сборах

Могу ли ја принести вклад до програмы?

Да, мы пријмајемо ваше прєдложења за лекциј и практичных дєлалниј(45-минутне запознатељне сесије). Лекције могут быти в либокаком великом језыку или в нєкторых малых језыках. Говоритељи сут повинни быти мотивовани идејеју подєлити се јихноју стастју с обчиноју полиглотов. Абы подати ваше прєдложење, просимо вас заполнити форму: Полыглот Гатхеринг онлајн, Полыглот Гатхеринг в Брно.

Ја једино могу говорити на једном језыку. Мнє дозвољено учествовати?

Да! Пока наша сходка и јест назначена за љубитељев језыков, не јествује формално трєбовање до того, как много језыков вы јесте повинни знати. Ако ли погледавши програму прошлого рока (или видео од прошлој сходкы) вы помыслите, же вас бы тако задоволило, тогды будемо радостни, ако ли вы будете присједињати се. Коликост језыков, на којих говорет наши учестники јест меджу 1 и до 30, со срєдноју коликостју в 6.

Какыми језыками послуживајут се на Gathering?

Учестники Polyglot Gathering указывајут језыкы, на којих они хочут говорити с осталыми. Нерєдко језык може измєнити се в ходу бесєды, когды другы чловєк присједињаје се. Најчесто користајеме језыкы сут англијскы, шпанскы, нємечскы, французскы, русскы и есперанто. Не удивјајте се, ако ли људи вокруг вас говорет на језыку, о ктором вы никогда не слышали. Вечинство лекциј сут на англијском, але ине језыкы такоже користајут се. Језык, на ктором буде кажда оддєлна лекција, буде указаны в програмє.

Јест ли тута јешче једна Polyglot Conference?

Не, Полыглот Цонференце jест оддєлно собрање, огранизовано нашими другами Ричардом Симкотом и Алексом Роулингсом, кторо обычно проходи в разных државах каждорочно и од тутчас онлајн. Обадва сбора пробујут објединити полиглотов и језыковых ентузиастов и дозволити сполочности полиглотов собирати се заједно и дєлити се нашеју стастју к језыкам. Мы јесмо много задовољени тыми, који учествовали в Polyglot Conferences и хтєли бы стрєсти се с једномыслечими љубитељами језыка поновно.