Вси присутни, говоритељи, спонсори и добровољци наших сходок сут повинни сугласити се с нашим кодексом поступања. Организатори будут слєдити за изполњењем тутого кодекса на сходкє. Мы очекывајемо, же вси учестники будут помагати дєлати безпечну обсрєдину за всих.

Потрєбна помоч?

Напишите нам на abuse@polyglotgathering.com.

Кратка версија

Наша конференција јест посвечена забезпечити прєбывање, свободно од безпокојства или молестовања за всих, без зависности од пола, гендерној идентичности и изражења, возраста, сексуалној ориентације, неполноможности, внєшного изгледа, размєра тєла, расы, етничности или религије (или јејного одсутства). Мы не толерујемо безпокојство и молестовање учестников конференције в какој-либо формє, такоже не толерујемо никако поступање, које може доводити иных учестников к чувству небезпечности или тревогє об јихном физичном или емоцијном благостању. Сексуализоване рєчи и образы не сут умєстне ни за како пространство конференције, вкључно лекције, практичне поукы, социалне сборы, чаты, Твиттер и ине онлајн медија. Учестники конференције, који нарушет туте правила, могут быти санкционовани или изкључени из конференције без рефундације по вољи организаторов конференције.

Мење кратка версија

Молестовање вкључаје вербалне коментаре односно пола, гендерној идентичности и изражења, вєка, сексуалној ориентације, неполноможности, внєшного изгледа, размєра тєла, етничности, религије, показ сексуалных образов в публичном простору, умыслно застрашање, сталкинг, прєслєдовање, троллинг, уражење или унизитељне коментаре, персоналне или политичне напады, прєрвање бесєд или иных сходок и непрошену сексуалну позорност. То односи се как до публичных, тако и до приватных посланиј.

Молестовање бываје нєколикых видов. Всечто јест указано даље јест молестовање, але то не јест полны спис.

• Спрошење "Але одкуд јеси заправду?" послє того, как нєкто указал, одкуд они сут.
• Рєчење чего-либо кому-либо с прєзиром, особливо односно чрт как сексуалност, пол, религија, етничност, физична способност, и тако даље.
• Објавјење нєкого (говорење, лично ли или онлајн, оддєлным људам или групам људиј, же нєкто јест ЛГБТ, без јихного дозвољења). Не прєдпокладајте, же вси о том знајут, или же чловєк не имаје проблемов, же бы то было легко доступноју информацијеју, аж ако ли чловєк јест одкрыты о том в персоналној комуникацији.
• Не поважање личных заименников. Ако ли нєкто проси, же бы јих звали "он", "она" или "оне", или еквивалент в либокаком ином језыку, постарајте се тако дєлати.
• Ако ли вы то не можете дєлати, разважите избєгање говорења с тутым чловєком/о тутом чловєку. То вкључаје споминање о нєком в прошлости: не говорите рєчиј как "когда она была он".

Од учестников, кторых сут попросили прєстати молестовање, очекываје се моментално послушање.

Спонсори и подпорники такоже сут субјекти политикы против молестовања. Спонсори, особливо, сут повинни не користати сексуализоване образы, дєлати таке активности или ине материалы.

Ако ли учестник зајмаје се отегчајучим поступањем или молестовањем, огранизатори конференције могут пријети мєры, кторе помыслет умєстными, вкључно прєдупрєджење учестника или јего одстрањење од конференције без рефундације.

Ако ли вас безпокојет или молестујут, или вы видите как нєкојего безпокојет или молестујут, или вы имајете нєкаке ине безпокојства, просимо свезати се с организаторами по abuse@polyglotgathering.com. Кратко опишите ситуацију кратко; додајте снимок екрана, ако ли ситуација стала се на писму, и мы постарајемо се реаговати најскоро.

Персонал конференције буде задовољены помогти одчувати се безпечно тым учестникам, који были жртвоју безпокојства или молестовања.

Мы очекывајемо од учестников слєдовања тутым правилам подчас хода всих активностиј конференције, вкључно бесєды и социалне сборы.