Polyglot Gathering јест витајуче и живо прославјење радости од учења језыков. Вы услышите инспирујуче лекције, научите се радам и совєтам, добудете шанс подєлити се вашим ентузиазмом со старыми и новыми пријатељами. То јест главны момент в мојем року изучења језыков.

Ја каждорочно бывају на Polyglot Gathering. Не могу дочекати се новых разговоров с љубитељами језыков в тутом року!

Polyglot Gathering, как онлајн, тако и особны сбор, оказали силны влив на мој живот. То јест прєкрасно быти окружеными људами с различным позадјем, ктори раздєљајут једнакове интересы и подпирајут једин другого, без разликы как много језыков вы знајете. В прошлом року, онлајн сбор прєвысил все моје очекывања и ја нетрпєливо чекам јего снова в тутом року – слушати захвачајуче лекције, стрєчати се со старыми пријатељами в избах практиковања језыка и находити новых пријатељев в ходу социалных активностиј сут једино немноге примєры того, что дєлаје Polyglot Gathering такым драгым мојему срдцу.

Велика хвала вам за тутој сбор! Ја јесм никогда не была на сбору выше отворјеном, чим тутој – људи из многых држав, различного вєка и говорет на таком множству језыков! Ја јесм рада имєти шанс учествовати как гост и как говоритељ и ја уж нетрпєливо чекају наслєдны Polyglot Gathering!

Прєкрасны примєр как језыкы сут лєпшим способом до створења мостов меджу културами и способом научити се једин од другого, вмєсто того, же бы фокусовати се на различјах. Одкрыјте за себе, же сут много људиј, ктори мыслет как ја и љубет прєкључати се меджу језыками всечасно.

То јест најлєпши час в лєту, когды вы сбирајете се с људами, ктори дєлет туже страст до учења језыков как и вы. Пет днев подред, вы можете практиковати ваше језыкы, изучати нєчто о темах, свезаных с језыком и запознавати се с новыми људами со всего свєта, ктори быстро станут вам пријатељами.

Даваје вам сотње језычных партнеров, спутников в путовању, диваны на кторе можно упасти и лица, кторым можно поплакати.

Запознање с интересными људами. Запознање другых људиј, заинтересованых в језыках и културном взајеморазумєњу. Инспирација в том, как улєпшити изучење вашего језыка. Нови пријатељи.

То точно је једин из главных моментов лєта. Не једино подчас самого Гатхеринг, але за мєсецы и седмицы чекања и инспирације, ктору ја беру до дому од каждого Gathering.

То јест мєсто, кде можете најдти различных језычных ентузиастов в много одкрытој, разнородној и пријатељској атмосферє.

Допока вас зајмајут језыкы, вам то добро подојде!

То јест мєсто, кде вы можете запознати се с људами со всего свєта в спокојној и поваженој манерє. То јест добра сходка, ибо без зависности од вєка и позадја учестников, вси људи сут витајеми и мы можемо најдти обчи језык на основє сполочного интереса, ктори јест в том, же мы хчемо узнати о новых језыках и културах.

То јест можност добыти доступ до идеалного свєта, кде вас разумєјут и раздєљајут ваше идеје. То је как лєтны лагер за дорастлых!

Ја никогда не знал, же сут тако много људиј, ктори как и ја имајут пасију за учење језыков. Находжење сходкы, ктора сбираје јих заједно, было сродно богојавјењу. Јесм нашел мојих људиј: јихна страст до језыков поддрживаје моју и возвышаје ју на новы уравењ.

То јест ТО САМО мєсто, кде вы не будете се одчувати странно с вашеј љубовју до језыков. То был првы раз, когды ја был окружены људами с тојже страстју, как у мене!